DÍA DAS LETRAS GALEGAS

Este 17 de maio celébrase o Día das Letras Galegas, e este ano rendemos
homenaxe ao eminente filólogo Ricardo Carvalho Calero.

Ricardo Carvalho Calero é unhas das figuras de obrigada referencia na historia do idioma galego: como investigador, como autor literario e como docente e promotor da nosa lingua nos diferentes ámbitos, espazos e contextos de uso. É o responsable da primeira gramática do galego elaborada cunha base científica sólida e da primeira historia da literatura galega contemporánea, ademais de ser o primeiro profesor en ocupar a cátedra universitaria de Lingüística e Literatura galegas. Un auténtico pioneiro e un incansable defensor (e tamén construtor) da nosa identidade como comunidade, como pobo, como país. A Ricardo Carvalho Calero dedícaselle o Día das Letras Galegas 2020.

 Recomendamos desde a biblioteca Moraima o libro de CAJARAVILLE,HECTOR,  de EDICIONS XERAIS DE GALICIA, “ RICARDO CARVALHO CALERO - O ANXO DA TERRA”. Neste libro diferentes narradores iluminan o conxunto da obra literaria,

lingüística ou filolóxica de Carvalho Calero e as sucesivas etapas biográficas . Os anos infantís en Ferrol, a vida universitaria e política xa na compaña de María Ignacia Ramos , a guerra o presidio.....

Do seu traballo literario cómpre destacar a súa extensa obra de poesía, novela, teatro, así como no campo da crítica literaria e no da lingüística galega. Carvalho Calero está considerado o ideólogo do reintegracionismo lingüístico galego, que defende que o noso idioma é unha variante da lingua portuguesa. Faleceu en Santiago de Compostela o 25 de marzo de 1990.

Para aprender máis sobre o autor, deixámosche as seguintes ligazóns: