Día do Libro

 Ola amiguiños e amiguiñas:

Sabedes que o domingo se celebra o Día Mundial do Libro?

 Escolleuse o 23 de abril porque nesa data morreron tres grandes da literatura universal: Miguel de Cervantes (aínda que se di que foi o 22 de abril), William Shakespeare e Garcilaso da Vega. 

Se aínda non os coñecedes, invítovos a investigar sobre cada un deles. 

O noso centro decidiu invitar ás familias que así o quixeran a participar nesta celebración. 

A próxima semana gozaremos dalgúns familiares que se animaron a vir e compartir un ratiño con nós contándonos contos, lendas, vivencias,... Xa vos informaremos. Seguro que o pasamos xenial!

Ademais, fixemos na entrada unha enorme árbore dos libros. Cada aula terá a súa rama para colocar follas e flores onde nos recomendan os libros que máis lles gustaron ó alumnado.

Será estupendo ver todas as ramas cheas dos gustos lectores de tod@s!

Estou desexando ensinárvolo, pero aínda teremos que esperar que toda a rapazada o faga.

Ata pronto amiguiños e amiguiñas!