Foi por marzo de
1963 cando tres académicos numerarios decidiron presentar na Real Academia
Galega (RAG) un escrito en que se pedía a celebración do Día das Letras.
Eles foron Francisco Fernández
del Riego, Manuel Gómez Román e Xesús Ferro Couselo, e o motivo de tal
solicitude: festexar a publicación, cen anos antes, de Cantares Gallegos de Rosalía de Castro, unha obra que “dignificou a
nosa lingua e o seu uso literario”. Así, a petición destes tres académicos
orientábase a consagrar o 17 de maio e “con carácter de perdurabilidade o
simbolismo desta data nunha celebración anual”.
O 28 de abril do mesmo ano,
nunha Xunta ordinaria, todos os membros da RAG acordaban celebrar cada 17 de
maio o DIA DAS LETRAS, co obxectivo de difundir a obra dalgún dos nosos autores
e autoras. Sendo o centenario de Cantares Gallegos ese ano, foi Rosalía de
Castro a primeira homenaxeada, e seguíronlle Eduardo Pondal, Curros Enríquez e
outros moitos escritores e escritoras...
Valentín Paz-Andrade
(Pontevedra, 1898 - Vigo, 1987)
Este ano dedícase o Día das Letras Galegas a este home polifacético que destacou como xurista, economista, político, empresario, ensaísta, poeta e xornalista. Sempre tivo presente, tanto na súa obra literaria como na súa faceta empresarial, a Galicia e a súa lingua.
Comentarios
Publicar un comentario